أسهل إكلير زي المحترفين من أول مره بمقادير بسيطة في كل بيت

الاكلير الفرنسي الشهي .. تتعدد أطباق الحلويات الغربية ..  وبخطوات سهلة وسريعة ومقادير دقيقة تقدمها الشيف هبة ابو الخير لتتمتعي بتقديم أشهى أطباق الحلويات الغربية بمذاق لا يقاوم وسينال إعجاب ضيوفك وعائلتك.. 

المقادير:

"للإكلير" 

125 مللي حليب ( 125 جرام) 

125 مللي ماء ( 125 جرام) 

نصف كوب زبدة بحرارة الغرفة ويفضل تكون غير مملحة 84% fat علي الأقل  ( 100 جرام) 

كوب + معلقتين ونص دقيق مخبوزات ( 150 جرام) 

نص معلقة صغيرة ملح ( 3 جرام) 

معلقة صغيرة سكر ( 7 جرام) 

4 حبات بيض ( 230 جرام) 

معلقة صغيرة فانيليا ( 5 جرام) 

"باستري كريم "

2 ونص كوب حليب ( 500 جرام) 

5 معالق كبيرة سكر ( 75 جرام) 

5 معالق كبيرة معيارية ممسوحة نشا ( 35 جرام) 

4 صفار بيض ( 60 جرام) 

ملحوظة/ في حالة الرغبة في تحضير باستري كريم بالشيكولاته يضاف 150 جرام شيكولاته بعد رفع الخليط من النار وقبل التصفيه 

"جليز الشيكولاتة البسيط" 

كوب وربع كريمة حلويات سائلة ( 250 جرام) 

3 معالق كبيرة عسل ولو متوفر عسل جولكوز يكون افضل كمان( 60 جرام) 

4 معالق كبيرة زبدة ( 60 جرام) 

150 جرام شيكولاته دارك 50% 

بديل الجليز / تقدروا تدوبوا شيكولاته على حمام مائي وتستخدموها في التغطية 

شوية نصائح نأكد عليها: 

 * الطريقة الأصلية ان وزن السوائل يعادل وزن البيض لكن الجديد حاليا نقلل وزن البيض بمقدار 20 جرام عن وزن السوائل 

* نتأكد ان الملح والسكر دابو كويس وان الزبدة كمان دابت قبل ما الخليط يوصل لمرحلة الغليان

* إضافة الدقيق المنخول دفعه واحدة ( يعني يبقي منخول وجاهز قبلها) 

* أثناء طهي العجينة علي النار هتحتاج مدة من 2 ل 3 دقائق المهم لا تتجاوز ال 3 دقائق 

* لو بتستخدموا وعاء ستانلس هيظهر طبقة تحت زي اللي بالفيديو ولو بتستخدموا وعاء غير قابل للصق مش هتظهر الطبقة دي وهيظهر بدلا منها نقط زيت 

* الأفضل العجينة تبرد تماما قبل إضافة البيض والا طعم البيض هيبقي قوي جدا 

* نملي كيس الحلواني ( piping bag ) بدون فراغات هوا والا هتتسبب في حدوث تشققات ملحوظة على سطح الإكلير 

* التسوية على حرارة ثابتة هو الافضل للأفران المنزلية على حرارة 175 لمدة لا تقل عن 45 دقيقة ولا تزيد عن 50 دقيقة

* إضافة ملعقتين من الماء في الصينية قبل الخبز يساعد علي الإنتقاخ الجيد للإكلير 

* بعد خروج الإكلير مباشرة من الفرن نعمل ثقوب الحشوة ده هيساعد اكتر ان الإكلير يجف من جوة وميبقاش معجن 

*  الإكلير بيتخزن بدون حشوة في الفريزر بشرط صحة الحفظ في أكياس محكمة