طريقة عمل دجاج مشوي فى الفرن بالصور

دجاج مشوي فى فرن المنزل

وقت التحضير : 5 ساعات | وقت الطهي : 45 دقيقة | الوقت الكلى : 5 ساعات و 45 دقيقة

عدد الاشخاص 4

الادوات المستخدمه

طبق غويط
صاجة فرن
سكينة حامية
ورق بلاستيك

المقادير

3 x عدد فص ثوم
2 x عدد ليمونة
2 x معلقة كبيرة صلصة طماطم
1 x عدد بصلة
1 x عدد دجاج
1 x كوب زبادي
1 x كوب خل
1 x معلقة صغيرة ملح
1 x معلقة كبيرة زعتر مجفف
1 x معلقة كبيرة زيت ذرة

الخطوات

1. هنقطع الدجاجة من ظهرها بالطول بداية من جنب الرقبة . و بعدين هنخرم الدجاجة بالسكينه.
2. هنقطع البصل و الليمون و الثوم مكعبات صغيرة.
3. هنحط الدجاجة فى طبق غويط و هنضيف عليها كل مكونات الخلطه. هنحط الخل و الملح و الزعتر. بعدين هنحط الزبادى و الصلصة و البصل و الليمون و الثوم. و هنغطيها و نسيبها فى الثلاجة تتبل من ساعتين ل12 ساعة.
4. هنولع الفرن نص ساعة قبل مانسوي الدجاجة على اعلى حرارة و هنحط الشبكة فى النص.
5. هنشيل الدجاجة من التتبيلة و هنحطها فى الصاجه و نرش عليها رشة ملح و زعتر و معلقه زيت.
6. هندخل الدجاجة الفرن لمدة 45 دقيقه وبكده تبقى جاهزة للتقديم