فطاير الدجاج بالفيديو

 فطاير الدجاج بالفيديو .. حضري طبق شهي ومميز وقدميه على سفرتك بالطعم الرائع واللذيذ

المقادير

٦٠٠ غرام صدر دجاج

٥ اسنان ثوم

عصير ليمونة واحدة

برش نصف ليمونة

نصف كأس زيت زيتون

١ فليفلة حمراء

١ فليفلة خضراء

ملعقة صغيرة ملح 

نصف ملعقة صغيرة فلفل

نصف ملعقة صغيرة هيل

ربع ملعقة صغيرة قرفة

ربع ملعقة صغيرة زنجبيل

ربع ملعقة صغيرة كاري 

ملعقة صغيرة دبس فليفلة 

نصف ملعقة صغيرة بابريكا

١٥٠ غ لية خاروف 

للعجينة: 

٤ كاسات طحين (٥٠٠ غرام)

١ كأس ماء (٢٠٠ مل) 

ملعقة صغيرة خميرة 

ملعقة صغيرة سكر

نصف ملعقة صغيرة ملح 

٢ ملاعق كبيرة لبن زبادي

٢ ملاعق كبيرة زيت نباتي

طريقة التحضير

1. نقوم بتقطيع صدر الدجاج لقطع رقيقة(قطع رفيعة)ومن ثم نقوم بتقطيع الفليفلة (فليفلة حمراء وفليفلة خضراء حلوة وفينكم تحطوا حدِّة)ونضيفهم لقطع الدجاج وبعدها نضع في وعاء الخفق الملح، زنجبيل، هيل، قرفة، فلفل ابيض، ثوم، زيت زيتون، عصير ليمونة(قبل مانعصر الليمونة بنبشر شوي من قشر الليمون فوق قطع الجاج بس ما منوصل للبياض) ثم نخلط المكونات جيداً (فينكم تدقوا التوم عادي وتحطوا بقلب زبدية وخفقوا التتبيلة كلها مع بعضها) وبعد الخلط نقوم بإضافة التتبيلة لقطع الدجاج و نحركم مع التتبيلة جيداً (وصحي اذا ماعندكم ليمون فينكم تحطوا ملعقتين خل بكفي) ثم نقسم قطع الدجاج لنصفين.

2. القسم الاول لقطع الدجاج: نضعه في وعاء ونقوم بإضافة دبس الفليفلة، بابريكا ونخلطهم مع قطع الدجاج. 

3. القسم الثاني لقطع الدجاج: نضيف له الكاري ونخلطهم جيداً. ثم نقوم بوضع القسمين في الثلاجة (البراد، وفينكم تخلوهم يوم كامل) لمدة ساعة أو ساعتين. 

4. للعجينة: نضع في وعاء ماء، خميرة، سكر ، ملح ثم نخلطهم حتى الذوبان (فينكم تحطوا بدل المي حليب بس اذا حطيتوا حليب ماعاد في داعي تحطوا لبن) ومن ثم نقوم بإضافة اللبن، زيت نباتي ثم نخلطهم جيداً وبعدها نضيف الطحين (حطوا اول شي كاستين وخلطوهم بعدين حطوا الباقي) وبعدها نخلط العجينة جيداً حتى نحصل على القوام المطلوب ثم نقوم بوضع زيت في وعاء (بندهن الزبدية بالزيت قبل مانحط العجينة فيها) ونضيف العجينة إليه ونغلق على العجينة وتترك حتى نصف ساعة (لحتى تختمر).

5. (بنطلع قطع الجاج من البراد)بعد تخمير العجينة نقوم بتشكيل قطع من العجينة  (بنغطي العجينة بشقفة قطن) ومن ثم نتركها حتى ترتاح لمدة ١٠-١٥ دقيقة.

6. نقوم بتشغيل الفرن على أعلى حرارة (من فوق ومن تحت،لازم نكون مشغلين الفرن قبل نص ساعة لحتى يكون حامي لما بندخل الفطاير عليه).

7. بعد استراحة قطع العجينة نقوم بفردها (اول شي بتفردوها بأصابعكم وبعدين بالشوبك) ثم نقوم بفرد قطع الدجاج على العجين(فردوها منيح عالعجينة وماتخلوا حرف العجينة مبين، ليش؟ لأنو رح تكش، واضغطوا الجاج عالعجينة مشان ما تطلع فوقها) ونضيف أيضاً قطع اللية، (واذا ماعندكم لية فينكم تحطوا مع التتبيلة ملعقة سمنة) وبعدها نقوم بإدخال قطع الدجاج الفرن (بدكم تحطوهم بالفرن بسرعة مشان مايبرد الفرن لما تفتحو، وبتحطوهم بالرف النصاني) لمدة خمس دقائق ومن ثم نخرجهم ونضع عليهم الجبنة (جبنة مبروشة) وبعدها نعيدهم للفرن حتى الاستواء (بعد ما تطلعوهم من الفرن بتحطوا الفطاير على شقفة قماشة لانو العجين بطلع مي من تحت)، (بتحطوا اخر شي مايونيز عليهم يعني زيادة نغنغة).

فيديو الوصفة: