من الأكلات اللى لو اتحطت على السفرة هتخلص فى ساعتها رول البطاطس باللحم المفرومة

طريقة سهلة جدا لعمل رول البطاطس البيورية بحشو اللحم المفرومة مناسبة جدا للعزومات ومش بمكونات كتير وممكن تعمليها فى أى وقت

المكونات:

3 بطاطس

1,5 كوب جبن موزاريلا

بقدونس

2 بيضة

نصف ملعقة صغيرة ملح 

فلفل أسود 

لعمل الحشو:

2 ملعقة زيت 

350 جرام لحم مفرومة

1 بصلة

1 فلفل أخضر

2 فلفل احمر

ملعقة صلصة

1 كوب مياه 

نصف ملعقة صغيرة ملح 

نصف ملعقة صغيرة بابريكا

فلفل اسود

للتزين:

جبن موزاريلا

طريقة التحضير:

1. اولا نقشر البطاطس ونغسلها جيدا,ثم نقوم ببشرها كما بالفيديو.

2. بعد ذلك نصفيها جيدا من المياه بأيدينا ونضعها فى وعاء مناسب.

3. نضيف على البطاطس جبن موزاريلا,بقدونس,بيض,ملح,فلفل اسود,ونقلبهم جيدا.

4. نضع على صينية فرن ورق زبد,عشان نلف الرول بشكل جيد لازم ورق الزبد.

5. نسكب البطاطس على ورق الزبد و نساويها بالملعقه.

6. ندخلها الفرن على درجة حرارة 180 لحد ما يحمر الوش.

7. عشان البطاطس تطلع من الورق بسهوله يجب وضعها فى القسم الأسفل فى الفرن.

8. لعمل حشو اللحم الفرومة,نضع فى مقلاه على النار زيت,لحم مفرومة.

9. نقوم بتقليب اللحم المفرومة جيدا على النار.

10. بعد ذلك نضيف البصل,فلفل أخضر,فلفل أحمر,ونقلبهم جيدا.

11. نضيف صلصة طماطم,ونقلبهم مرة أخرى,بعد ذلك نضيف مياه ساخن.

12. نضيف ملح,بابريكا,فلفل أسود,ونقلبهم جيدا.

13. نترك اللحم على النار حتى تتشرب المياه.

14. نطلع البطاطس من الفرن.

15. نسكب على البطاطس حشو اللحم ونساويه على البطاطس جيدا.

16. بعد ذلك نقوم بلف البطاطس على شكل رول.

17. ورق الزبد هيسهل جدا لف رول البطاطس.

18. فى الاخر نرش على الرول جبن موزاريلا وندخلها الفرن على درجة حرارة 180 لحد ما الجبنة تسيح.

19. بعد ما الرول يطلع نقطعه ونقدمه بالهنا والشفا.

يمكنكم مشاهدة الطريقة من خلال هذا الفيديو: