طريقة عمل كيكة الروانى

المقادير

نص كوب سكر

كوب الا ربع زيت

٣ بيضات

معلقة صغيرة فانيليا

كوب زبادى

كوب دقيق بسبوسه

كوب دقيق عادى

كيس بيكنج بودر

رشة ملح

جوز الهند

معلقة خل (اختيارى) عشان بتخلى الكيك هش وطرى ويمنع ظفارة البيض

شربات ساقع عشان نسقى الكيكة بيه

طريقة التحضير

1. فى طبق غويط نضع السكر والزيت ويتم ضربة بالمضرب حوالى ٣دقايق .

2. ثم نضع عليهم البيض والفانيليا ومعلقة الخل ونضربهم كتير لحد ما الخليط يكون لونة فاتح ويكتر معاكى.

3. وبعد كدة هانحط علبة الزبادى وكملى ضرب بالمضرب.

4. فى طبق غويط اخر نضع دقيق البسبوسه ودقيق العادى ومعاهم البيكنج بودر ورشة الملح ونقلبهم كويس ثم نضعهم على الخليط الآخر ونضربهم كلهم مع بعض كويس.

5. نجيب صينية من المستحب تكون تيفال عشان ماتلزقش.

6. نحط الخليط فى الصينية وعلى الفرن على طول .

7. لما تستوى بنطلعها وهى سخنة وبنكون مجهزين شربات ساقع وجوز الهند ونضعهم على الكيكة وهى سخنة.

ملحوظة : لو حابة تحطى فاكهة للتزيين حطى كومبوت .