طريقة عمل اسباجتى بالكفتة وصوص الباربيكيو

سالى فؤاد - حلو وحادق | نوع الاكلة الرئيسى : طبق رئيسي | لحوم، نشويات | المطبخ : إيطالي

المقادير

كيس مكرونة  مسلوق ومقلب فى الزيت 

نصف كيلو لحم مفروم (قليل الدسم)  

معلقة ثوم بودرة 

توست اسمر  

بيضه  

معلقة صوص باربيكيو  

ملح  

فلفل  

معلقة صغيرةه زعتر ناشف  

بولة وسط خضروات  مقطعة دوائر كوسة و جزر 

الصوص

نصف كوب باربيكيو  

معلقة صغيرة ثوم بودر  

ماء حسب الاحتياج 

طريقة التحضير

* ضعى اللحم المفروم فى بوله وقطعى التوست قطع صغيره جدا وضيفى له صوص الباربيكيو

* ثم ضيفى البيضه والزعتر والثوم والملح والفلفل واخلطيهم جيدا ثم ابدئى بتكوير اللحمه

* ضعى كور الكوسه والجزر واللحم فى قالب وضعى القالب فى الفرن لمده 20 دقيقه

* على درجه حراره 150 درجه

* ضعى صوص البابيكيو والزعتر والثوم البودر والملح والفلفل فى بوله واخلطيهم 

* ثم ضعيهم على كور اللحم والكوسة والجزر الخارجة من الفرن 

* ورجعيها الفرن مرة اخرى على نفس درجة الحرارة لمده 10 دقائق ثم ضعى الكفتة والصوص على المكرونة وقدميها