تشيز كيك اللوتس المخبوز مع كافة تفاصيل وأسرار نجاح الوصفه معكم

تشيز كيك اللوتس المخبوز من أنواع الحلويات الطيبة جداً، ويتكون من 3 طبقات، ولتتعرفي على طريقة تحضيره تابعي الفيديو مع الشيف علا طاشمان وحضري أشهى الأطباق على سفرتك 

المكونات

300 غ بسكوت

100 غ زبده

معلقه كبيره سكر

500 غ جبنه

200 غ لبنه

كاس سكر

كاس كريمه سائله

تلات حبات بيض

معلقتين ونص طحين

معلقه صغيره فانيلا

معلقه كبيره ليمون

تلات ملاعق كبار لوتس 

ممكن تحطو معلقه صغيره من زبدة اللوتس مع البسكوت 

ملاحظه مهمه للخبز..

- اول نص ساعه على حرارة 180 مئوي على الرف الاوسط. لازم يكون الفرن حامي.

- ثاني نص ساعه على حرارة 150 مئوي اذا ممكن  تخلو لحد ساعه وربع  اذا كان فرنكم مو حامي.. لازم تشوفو طبقة التشيز نشف وجها طبعا من خلال زجاج الفرن.. انا اول ماشفت وجه التشيز ناشف وما في اي لمعه طفيت الغاز.. بس فرن عن ثاني بيفرق وفرن الغاز كمان بيفرق ف الأفضل انكم تتركه التشيز ساعه وربع على حرارة 150 حتى تضمنه نجاح الوصفه معكم. 

- بعد ما نطفي الغاز اتركو الكيكة ساعه كامله جوا الفرن وافتحو باب الفرن، لازم يبرد التشيز جوا الفرن حتى مايهبط معكم

فيديو الوصفة: