طريقة عمل كبسة الجمبري

لعشاق الجمبري و المأكولات البحرية نقدم لكم كبسة الجمبري اللذيذة

وقت التحضير : 15 دقيقة

وقت الطهي : 25 دقيقة

الوقت الكلى : 40 دقيقة

عدد الاشخاص 4

الادوات المستخدمه

حلة

معلقة

طبق غويط

المقادير

2 ½ x كوب ماء

2 x كوب أرز عادى

2 x عدد بصلة (مقطع مكعبات)

2 x عدد طماطم (مقطّعة إلى مكعبات صغيرة)

2 x معلقة صغيرة بهارات

1 x عدد فلفل أخضر حلو

1 x كوب مكسرات (النوع الذي تفضليه)

1 x معلقة كبيرة صلصة طماطم

½ x كيلو جمبرى (مقشر و مغسول)

½ x كوب زيت زيتون

الخطوات

1. فى حلة على النار هنسخن زيت ونقلب فيه البصل لحد ما يدبل.
2. هنضيف الجمبري والفلفل والطماطم و الصلصة وبهارات الكبسة إلى البصل وهنقلبهم كويس لمدة 3 دقائق.
3. هنضيف الأرز وهنصب الماء عليه وهنقلبه ويترك حتى يتشرب الماء.
4. هنغطى الحلة كويس جدا ونخفض حرارة النار ويترك الأرز حتى ينضج.. حوالى 20 دقيقة.
5. يوضع الأرز فى أطباق التقديم ويزين بالمكسرات.. بالهنا والشفا.