طريقة تعصيج اللحمة المفرومة

تعصيج اللحمة المفرومة

طريقة تعصيج اللحمة المفرومة علشان نستخدمها مع وجبات كتير

وقت التحضير : 10 دقائق
وقت الطهي : 30 دقيقة
الوقت الكلى : 40 دقيقة

عدد الاشخاص 4

الادوات المستخدمه

معلقة خشب
حلة
سكينة حامية

المقادير

2 x معلقة كبيرة سمن (أو زيت)
1 x معلقة صغيرة زعتر (اختيارى)
1 x عدد فص ثوم (مفروم)
1 x معلقة صغيرة بهارات لحمة
1 x معلقة صغيرة فلفل اسود مطحون
1 x معلقة صغيرة ملح
1 x عدد بصلة
½ x معلقة صغيرة قرفة (اختيارى)
½ x كيلو لحمة مفرومة

الخطوات

هنقطع البصلة مكعبات صغيرة.
فى حلة على نار متوسطة هنضيف معلقتين سمنة ونضيف البصل ونقلبه كويس لحد ما يتحول للون الذهبى.
هنضيف فص الثوم المفروم ونقلب كويس.
هنوطى النار ونضيف اللحمة ونفتتها كويس بمعلقة خشب.
هنضيف كل البهارات ونقلب كويس لحد ما اللحمة يبقى لونها بنى فاتح.
هنسيب اللحمة على نار هادية وهنقلبها كل شوية لحد ما تنزل ميتها وتشربها تانى.