Header Ads

طريقة عمل ساندوتش ستيك بالجبنة (فيليه)

ساندوتش ستيك بالجبنة
ساندوتش ستيك بالجبنة
أكلة من المطبخ الأمريكي سهلة التحضير

وقت التحضير : 10 دقائق
وقت الطهي : 20 دقيقة
الوقت الكلى : 30 دقيقة

عدد الاشخاص 2

الادوات المستخدمه

طاسة
معلقة خشب
سكينة حامية
ورق بلاستيك
صينية
وعاء زجاجي صغير

المقادير

2 x عدد فص ثوم
1 x معلقة صغيرة زعتر
1 x كوب مايونيز
1 x معلقة كبيرة زيت زيتون
1 x كوب جبنة موزريلا (مبشورة)
½ x كيلو لحم فلتو

الخطوات
  1. هنبدأ بتقطيع الفلفل الأخضر لشرائح صغيرة
  2. نقطّع البصل حلقات
  3. نقطّع اللحمة لقطع رفيعة
  4. في وعاء زجاجي هنضيف كوب المايونيز و عليه فصين الثوم المفرومين و نقلبهم كويس و بعدين نلف الوعاء بورق بلاستيك و نسيبه في الثلاجة لحد ما يجي وقت استخدامه - كل ما يقعد وقت أطول في الثلاجة بيكون أحسن
  5. في طاسة على النار هنضيف معلقة زيت الزيتون و نخلّيه على نار متوسطة
  6. دلوقتي هنضيف شرايح اللحمة على الطاسة و نقلبها
  7. أول ما يبقى لون اللحمة بني خفيف (فاتح) نضيف شرايح الفلفل الأخضر و حلقات البصل و نقلّبهم
  8. هنرّش عليهم الملح و الفلفل حسب الرغبة
  9. نقلبهم محتويات الطاسة لحد ما الخضار يبقى طريّ و بعدين شيل الطاسة من على النار
  10. بالسكينة نفتح ارغفة العيش الفينو للاخر بحيث يبقوا مفتوحين 180 درجة
  11. نحمص ارغفة العيش في الفرن على درجة حرارة 500 درجة مئوية
  12. بعد ما نطلع العيش من الفرن نجيب وعاء المايونيز من الثلاجة و نتبتدي ندهن الفينو من الناحيتين
  13. من الطاسة هنوزع اللحمة و الخضار على ارغفة العيش و هنحط فوقيهم جبنة الموزريلا المبشورة - نوزع كل الكوباية علي الـ4 ساندويتشات
  14. نرش فوقيهم الزعتر المجفف
  15. دلوقتي هنرجعهم الفرن تاني بسخونيته - بدون تشغيله - لحد ما الجبنة تسيح على الساندوتش

ملاحظات

احسن نتيجة هانوصلها في الطعم لو سبنا المايونيز في الثلاجة لثاني يوم

ليست هناك تعليقات

أتستمتعين بالطبخ ومساعدة الآخرين بتقديم أفكار الطبخ؟ من فضلك أضيفي افكارك و تعليقاتك

يتم التشغيل بواسطة Blogger.